" CNRP " ដែលដឹកនាំដោយ សម រង្សី និង កឹម សុខា កំពុងតែ " ក្រាបសំពះសត្វខ្លា " ដើម្បីសុំរស់ ។

បងប្អូន ជនរួមជាតិ រួមឈាម និង រួមទុក្ខ ជាទីគោរពស្រឡាញ់ ថៃ្ងនេះខ្ញុំ ខេម រិន្ទ សូមសរសេរអត្ថបទខ្លី មួយនេះដើម្បីធ្វើការរំលឹកត្រួស ៗ អំពីសោកនាដ្ឋកម្មរបស់ជាតិមាតុភូមិជាទីស្រឡាញ់នៃយើងគ្រប់ ៗ គ្នា ។ បងប្អូន ជនរួមជាតិ រួមឈាម និង រួមទុក្ខ ជាទីគោរពស្រឡាញ់ ទាំងនៅក្នុងប្រទេស និង នៅក្រៅប្រទេស មេត្ដាជា្រប មេត្តាពិចារណាថា ដ៏រាបណាយើងនៅតែបន្ដ ( ផ្តល់ការគាំទ្រ ) ដ៏រាបណាយើងនៅតែបន្ត ( ស្ដាប់ការនិយាយ ការអធិប្បាយ ការបកស្រាយ ) របស់បុគ្គលដែល ( ក្បត់នឹងឆន្ទះ ) ប្រជាជាតិខ្លួនឯងម្តងហើយម្ដងទៀតដូចជា សម រង្សី និង កឹម សុខា នេះ គឺគ្មានថ្ងៃដែលយើងអាចរំដោះជាតិ ឬអាចទទួលបានការពិតពីមាត់របស់ សម រង្សី ឡើយ ។ . សម រង្សី - កឹម សុខា និង បក្ខពួកបរិវារ៍ នែគណបក្ស សាងគ្រោះឲ្យជាតិ នាពេលបច្ចុប្បន្នកាលនេះហ្នឹង មិនមែនគ្រាន់តែក្លាយទៅជា ( អាយ៉ងរបស់អាយ៉ងកញ្ជះយួន ) ប៉ុណ្ណោះទេជាការពិតគឺពួកគេបានក្លាយទៅជា ( អ្នកនាំពាក្យ និង ជារនាំងជញ្ជាំង ) ដ៏រឹងមាំរបស់ CPPថែមទៅទៀត ដូដ្នេះចាប់ពីពេលនេះទៅពួកកម្មុយនិស្តផ្តាច់ការ ហ៊ុន សែន - CPP និងយកគណបក្ស សាងគ្រោះអោយជាតិ របស់ សម រង្សី និង កឹម សុខា នេះទៅ ( ជល់ - ទប់ទល់) ជាមួយនិងប្រជាជាតិខ្មែរនៅគ្រប់ស្ថានការណ៍ដែលកើតមានឡើងទាំង ( ក្នុងប្រទេស និង ក្រៅប្រទេស ) ។ . គឺបានសេចក្ដីថា គណបក្សសាងគ្រោះអោយជាតិជាអ្នកទប់ស្កាត់នូវរាល់បញ្ហាជំនួសឲ្យគណបក្សប្រជាជនកម្ពុជា ក្នុងរូបភាពផ្សេងៗ ដើម្បីកុំឲ្យមានបញ្ហាដែលអាចបង្កឲ្យមាន ( កង្វល់ ឬ សេចក្ដីក្ដៅក្រហាយ ឬ អាចនឹងធ្វើឲ្យបាត់បង់ផលប្រយោជន៍ ) ដ៏មហាសាលរបស់ពួកគេ ហ៊ុន សែន - សម រង្សី - កឹម សុខា - ចិន និង យួន ។ល។ នាពេលអនាគត ។ សូមរំលឹកថាឥឡូវនេះ " CNRP " ដែលដឹកនាំដោយ សម រង្សី និង កឹម សុខា បាននឹងកំពុងតែ " ខ្ចីច្រមុះ " របស់ ហ៊ុន សែន និង ជា សីុម ដើម្បី " ដកដង្ហើម " ។ ចំណែកឯ " CPP " វិញ គណបក្សយួនដែលដឹកនាំដោយ ហ៊ុន សែន និង ជា សីុម ក៏កំពុងតែ " ខ្ចីមាត់ " របស់ សម រង្សី និង កឹឹម សុខា ព្រមទាំងបក្ខពួកបរិវារ៍ ដើម្បី " និយាយ " ផងដែរ ។ ឥឡូវនេះ គឺពួកគេទាំងពីក្រុមនេះ " CNRP + CPP " កំពុងចាប់ដៃគ្នាសាងប្រវត្តសាស្ដ្រថ្មីមួយទៀតបន្ទាប់ពី " FUNCINPEC " ដើម្បីបន្តគ្រប់គ្រងអំណាចតាមរូបភាពប្រជាធិបតេយ្យផ្តាច់ការដដែល គ្រាន់តែមានការផ្លាស់ប្តូរពី " FUNCINPEC " ចូលរួមបំរើយួន ទាំងក្នុង " រដា្ឋភិបាលចោរ និង សភាចោរ " មកជា " CNRP " គណបក្ស សាងគ្រោះឲ្យជាតិថ្មី ចូលរួមបំរើ យួន តែនៅក្នុង " សភាចោរ " តែប៉ុណ្ណោះ គឺបានន័យថា " ចាញ់ប្រៀប FUNCINPEC មួយកំរិត ប៉ុនែ្ត " ចាញ់CPP និង យួន ដូចគ្នាគឺ " ចាញ់ស្លាប់ " តែម្តង ។